尖咀和老銅

記得很久很久以前，有希巫女兔來到香港教日本語。她初來報到，香港的地方名字真是不熟悉，但全靠最偉大的 MTR，提供鐵路路線圖，於是她每天也拿住帶出街。

她漸漸和學校的學生熟絡了，和學生的感情都很好喔！有一次，學生們約有希巫女兔出街吃喝玩樂。學生約定她：「腥些 (せんせい，老師的讀音)，星期六下晝 1 點喺尖咀等，不見不散！」

有希兔一口答應：「好啊！在尖咀等！」

約定的當天，有希兔出門口，坐最方便的 MTR 了。她到了月台，看著路線圖，「咦？尖咀？有尖咀這個站嗎？無呀，哪有無尖咀啊！只有尖沙咀。尖沙咀即是尖咀嗎？但差了一個字......」有希兔在月台上疑惑了一會兒，她去問其他人。

有希兔：「請問尖咀是什麼地方？坐去什麼站？」
路人甲：「尖咀咪即係尖沙咀囉，係尖沙咀呀！」

有希兔心裏有一點怒，明明是尖沙咀嘛，叫什麼尖咀？

在列車上，一個站又一個站，到了佐敦，電話打來了，原來是學生們。學生們在電話裏說：「喂，腥些，都係唔好喺尖咀等喇，尖咀好Q多人，不如去老銅啦，去老銅等我地啦！」

香港人都不愛講「正名」呀！

有希兔立即看住列車車頂的路線圖，一面找，一面找。她找來找去，都找不到「老銅」這個站。心裏又說：「什麼老銅呀？都無老銅這個站！我又不懂路，究竟要怎樣才能去到老銅呀？」於是她問身邊的師奶。

有希兔：「請問，老銅在哪裏？如何前往呢？」
師奶甲：「咩話？撈筒？禾唔塞喎，我械上面落來喎，唔塞搭咯，唔知。」

很明顯，她問錯人。列車到了金鐘，很多乘客離開車廂，過對面月台轉車。她又疑惑，「怎辦呀？應該要下車嗎？是不是要轉車？我又不知老銅在哪裏？」想到這裏，列車門關上了，然後廣播着：「下一站：中環...」

到了中環總站，她下車了，見到一個後生仔，立即問：「請問老銅怎樣去？」

後生仔：「老銅咪即係銅鑼灣囉！」
有希兔：「啊！原來如此，那麼中環怎樣去銅鑼灣？」
後生仔：「你上一層電梯，坐去柴灣方向啦，過三個站就到。」

有希兔再次感到被人玩耍的感覺。她終於到了銅鑼灣站，她快要出閘的時候，又收到電話：「腥些，我仲係 MK 啊！你到咗老銅嗱？等多陣等多陣，就快到。」

*   *   *   *   *



事後有希兔就問我：「香港很麻煩啊，明明叫尖沙咀，那些人就叫尖咀，什麼老銅啦 MK 啦，我統統不懂啦。」

我說：「係啊，呢 D 名無得教架，係香港人叫叫下，叫慣囉！而家後生仔都叫 MK，MK 即係旺角啊。例如『屯元天』就係屯門、元朗、天水圍。九展係『九龍灣展貿中心』。迪士尼叫『迪迪尼』。『海馬公園』即係海洋公園。殯儀館叫『大酒店』。入醫院叫入『廠』。坐電車呢，香港人叫坐『叮叮』。」

有希兔：「叮叮？叮叮不是新界的『輕鐵』嗎？」

我　　：「叮叮係香港島行的電車啊。屯門 D 人叫輕鐵做『廢鐵』架！」

有希兔：「嘩，很難理解喔~~完全不知道是什麼東西啊。」

我　　：「其實仲有好多架，好似妓女叫做『雞』，嫖妓係『叫雞』，男妓叫做『鴨』。男性的性病叫『生花柳』，至於『花柳』點解叫『花柳』，我就唔知啦，我都只係住咗十年左右啦 (當時在 2007 年)。看 DVD 叫『煲碟』，麥當勞叫『麥記』，七十一便利店叫『七仔』，大概係因為香港人叫色情影碟做『3仔 / 4仔』吧？對了，仲有香港人好鍾意叫中國內地人士做『大陸哩』啊。」

有希兔明白到，要在香港生活，真是要學習書本裏沒有教的香港話。

返到現在今天，即使是我，都有很多新「潮語」不懂啊，例如最新的 "Chok" 和 "屈機"，「我真係唔識囉」。